Chinese Ambassador: Yunnan tourism will come to Cambodia from tourism and investment

ឯកឧត្តម វ៉ាង វិនពីន ឯកអគ្គរដ្ឋទូតចិនប្រចាំកម្ពុជា បានគូសបញ្ជាក់ថា ក្រុមហ៊ុនទេសចរណ៍យូណាន នឹងមកទស្សនកិច្ចសិក្សាក្នុងប្រទេសកម្ពុជា ដើម្បីស្វែងយល់ពីសក្តានុពលទេសចរណ៍ និងការវិនិយោគ។

ឯកឧត្តមឯកអគ្គរដ្ឋទូតចិន បានបញ្ជាក់លើទំព័រហ្វេសប៊ុកថា ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានធ្វើដំណើរទស្សនកិច្ចទៅកាន់ខេត្តយូណាន ប្រទេសចិន។ ជាក់ស្តែង នៅថ្ងៃទី២៦ ខែសីហា ក្នុងដំណើរទស្សនកិច្ចនោះ ខេត្តយូណានបានឯកភាពពង្រឹងកិច្ចសហប្រតិបត្តិការជាមួយកម្ពុជា ដើម្បីជំរុញការអភិវឌ្ឍន៍ជាក់ស្តែងនៃវិស័យទេសចរណ៍ ក្នុងនោះវិធានការមួយគឺការរៀបចំក្រុមហ៊ុនទេសចរណ៍យូណានមកទស្សនកិច្ចសិក្សាក្នុងប្រទេសកម្ពុជា ដើម្បីស្វែងយល់ពីសក្តានុពលទេសចរណ៍និងការវិនិយោគក្នុងប្រទេសកម្ពុជា។

លើសពីនេះ ឯកឧត្តម វ៉ាង វិនពីន បានបញ្ជាក់បន្ថែមថា ភាគីទាំងពីរ បានចុះហត្ថលេខាលើកិច្ចព្រមព្រៀងសហប្រតិបត្តិការចំនួន៥ ។ នេះបានបង្ហាញពីសក្តានុពលដ៏ខ្លាំងក្លានៃកិច្ចសហប្រតិបត្តិការលើវិស័យទេសចរណ៍នៃចិននិងកម្ពុជា៕